MBATHI 01 - 25

TWĨKŨTAĨA NGAI (We praise thee O God) 1. Twĩkũtaĩa Ngai Na ngoo sitũ syonthe; Kwondũ wa Mwana waku, Ũwatũkwĩĩe.   Chorus: Nĩtũtaĩa syĩtwa yaku. Na makanywa na ngoo; Watũmie Mwana waku. Atũne ũvoo   2. Nthakame yake, Nĩyetĩkie nthĩ, Nĩwathĩniw'e mũno Atũtangĩĩe.   3. Kyeni kyaku Ngai, Nĩkĩkenaa mũno; Ngoonĩ sitũ ve kyeni, Vati kĩvindu.   4. Wendo waku Ngai Nĩ mũnene mũno; Nĩwatumisye ithyĩ Naĩnĩ sitũ. (Amen)

TŨKATHEI SYĨTWA YA YESŨ (All hail the power of Jesus' name) 1. Tũkathei syĩtwa ya Yesũ Tũtulyei ndu sitũ , Tũmũkathei Yesũ Mwĩaĩi Tũkathei-kathai, kathai Mũtangĩĩi waitũ   2. Ithyĩ, ala twatangĩĩwe Twaekewe wathe Tũkathei nũndũ wa mũuo. Tũkathei-kathai kathai Mũtangĩĩi waitũ.   3. Na mbaĩ syonthe syĩ kũkũ nthĩ Ikathei syĩtwa yĩĩ Tũnenevye Mũtũvonokya, Tũkathei-kathai, kathai Mũtangĩĩi waitũ. (Amen)

METHO MAKWA NĨMAMWONIE MŨTANGĨĨI YESŨ (Our God is Marching on) 1. Metho makwa nĩmamwonie Mũtangĩĩi Yesũ, Aitwatha nzĩa ya w'o atũtwae kũla ũĩ; Tene naisye aĩ mũthatu yu nĩnĩsĩ nĩ wa tei. W'o wake nĩvo ũĩ.   Chorus: Nĩtwaĩle kũmũtaĩa; Nĩtwaĩle kũmũtaĩa; Tũmũnenge ndaĩa syonthe, W'o wake nĩvo ũĩ.   2. Ndeto syake nivikĩte kũu kwatw'ĩe kĩvindu Ala make akanyũva yu kwa andũ ma mbaitũ; Ndwĩkalaate ngoo yakwa ũmwĩtĩkĩle ũmũnthĩ ũũ, - Kyathĩ kya w'o kĩĩ tũĩ.   3. Nĩtũũmanya Mwĩaĩi nĩwathembiwe mũtĩnĩ, Ithyĩ athe tũkĩthaũwa atũvĩkye ĩtunĩ; Nĩwatw'ĩkie ngya vyũ ithyĩ twĩthĩwe na ũthwii, Tei wake nĩvo ũĩ.   4. Ila Ngai syakwa sya tene nĩsyo syĩndũ sya nthĩ, Ũla waw'o nĩnĩmwĩsĩ yu nĩ Mũmbi nĩ Mũĩthi; Nĩ Mwovosya wakwa mwene nĩngũmwĩtĩkĩla nyie; Ngai waw'o nĩvo ũĩ. (Amen)

TŨTAĨEI MŨSUMBĨ WAITŨ (O worship the king) 1. Tũtaĩei Yesũ, Mũsumbĩ waitũ, Tũtavan'yei yu, tũkina na ngoo; Vinya nĩ mũnene, tũtanei oyu; Kwa ũndũ wa mũyo tũkwina mũno.   2. Ngai mũtũsũvĩi nĩ mũmbi wa nthĩ, Na syĩndu syĩvo, nĩ mwene wasyo; Maũndũ maseo nĩ make onthe, Tũnengetwe nĩwe twĩkalae n'ũvoo.   3. Yesũ Mũtangĩĩi wa andũ onthe, Nĩ wokie kũũ aete ũvoo, Amaũmye andũ mavĩtyonĩ moo; Na nũnũũtũnenga kũtana mũno.   4. Tũkathei Yesũ na ngoo, ithyonthe, Wendo na ĩnee nĩ syake syonthe; Ndaĩa na mũvea tũtũngeĩ oyu, Tũtaĩei tũvoyei Mũsumbĩ waitũ. (Amen)

MWĨAĨI YESŨ NĨ MŨNENE (All hail the power of Jesus' name) 1. Mwĩaĩi Yesũ nĩ mũnene Vaĩ ũngĩ wĩanou Tũnenevyei syĩtwa yake, Tũmũsũng'ũkye oyu; Tũnenevyei syĩtwa yake, Tũmũsũng'ũkye Yesũ.   2. Syĩtwa yake yĩkathĩĩwe Nĩ andũ onthe vyũ; Mwene wayo asumbĩke, Tũmũnenevyei oyu; Mwene wayo asumbĩke, Tũmũnenevyei Yesũ.   3. Tũtulyei ndu, ĩĩ ithyonthe Tũmũvoye oyu; Tũmũvĩtũkyei Yesũ mbee. Tũmũthaithe oyu; Oyu tũmũvĩtũkyei mbee, Tũmũthaithei Yesũ. (Amen)

ŨKAI, TWINEI NDETO NZEO (I will sing the wonderous story) 1. Ũkai twinei ndeto nzeo Sya Mũtangĩĩi wa nthĩ, 3/4Nĩwaumie ĩtunĩ Ka'n atwovosye.   2. Ĩĩ, twinei uvoo wa Yesũ 4/4 Mũtũtangĩĩi nĩwe; Nĩwakw'ie nũndũ witũ Atũtangĩĩe ithyĩ.   3. Ithyĩ andũ twekalĩte Ta malondu ala mau Nĩtwamanthĩtwe nĩ Yesũ, Akĩtwosa twaĩte.   4. Tũmũkathei, ĩĩ ithyonthe, Tũmũnenge ndaĩa yu Tũmwĩkalye e mũnene Ngoonĩ sitũ, syonthe vyũ. (Amen)

YESŨ NĨWE MŨSUMBĨ (Time is earnest) 1. Yesũ nĩwe Mũsumbĩ, Nũthaasya ala ove; Tene na tene nĩwe, Mũsumbĩ wa Asumbĩ.   2. Na vatĩ syĩtwa yĩngĩ, Ĩũlũ wa nthĩ yonthe; Yĩtũetee wovosyo. Yĩtũvikasya kwa Ngai.   3. Yesũ nĩwathĩniw'e, Atũthasya kwovwanĩ; Twĩthĩwe na thayũ mweũ, Ũla ũtũnengete.   4. Tũmũkathei ithyonthe, Ala twĩ atangĩĩe; Tũmũnengei ngoo sitũ, Asumbĩke mwene tei.   5. Mwene vinya na ĩnee Onthe nũkũmeta yu; Methĩwe atangĩĩe, Mamũnenge ngoo syonthe. (Amen)

TŨMŨTAĨEI YESŨ KLĨSTO (Praise the Saviour) 1. Tũmũtaĩei Yesũ Klĩsto, Nĩwe Mwovosya waitũ; Tũmũkathei na ngoo ĩmwe, Twĩ ithyonthe yu.   2. Nĩ mũlau na nĩ mũthingu, Nũtũnengae maũathimo; Tũmũtũngĩei mũvea, Na tũmwĩw'ei vyũ.   3. Tũnenganei mĩĩ yaitũ, Ĩalyũlwe nĩ Yesũ; Yĩthĩwe nthembo yĩ thayũ, Tũkĩmweteela.   4. Tũmũĩkĩĩei myũnthĩ yonthe, Nĩ mũseo, ndaalyũlĩka: Tũmwendeesyei myũnthĩ yonthe Tũmũthũkũmei. (Amen)

YESŨ NĨ MWOVOSYA (Fairest Lord Jesus) 1. Yesũ nĩ Mwovosya, Nĩwe watwovoisye, Andũ maĩ naĩnĩ, maĩ na woo. Yesũ nĩ Mũtangĩĩi, Tũmũkathei na ngoo sya w'o.   2. Ũkai kwa Mwĩaĩi, Nĩwe ũmwendete vyũ, Nake nũtonya kũmũtethya. Akamũtan'ya ngoo, Akamũnenga thayũ mweũ.   3. Ĩĩ Mwĩaĩi Yesũ, Yu nĩtũkũkũtaĩa we Ũndũ wa wendo watwonisye. Nĩtũũkũkatha yu, Ngoo syĩ na ũtanu, Tũkyeteela kũka kwaku. (Amen)

SYĨTWA YA YESŨ YĨ MŨYO (The name of Jesus is so sweet) 1. Syĩtwa ya Yesũ yĩ mũyo, Nĩngwenda kũtavany'a yo, Ũtanu nĩ mwĩanĩu Ũndũ wa syĩtwa, Yesũ.   Chorus: Yesũ - syĩtwa yĩ mũyo, Yesũ - ũtaalyũka; Yesũ - nĩtũkwina yu, Syĩtwa yake yaĩlu.   2. Nĩngwenda syĩtwa yĩĩ yake, Ũla ũndethasya kũũ Katĩ wa woo na mathĩna; Syĩtwa yake yĩ mũyo.   3. Syĩtwa ya Yesũ Mũtangĩĩi, Nĩyo yĩndanĩthasya nyie; Na methoi matiketĩka; Tũlyai syĩtwa ya Yesũ!   4. Vatĩĩ nongi ndeto sy'andũ Itonya kũtavany'a vyũ Ũtanu wa syĩtwa yake: Taĩai syĩtwa ya Yesũ! (Amen)

ĨTHUKĨĨSYEI ŨVOO MŨSEO (O listen to our wonderous story) 1. Ĩthukĩĩsyei ũvoo mũseo Wa ũmwe watũkw'ĩĩe. Ũndũ waumie ĩtunĩ, Kenda atũtangĩĩe.   Chorus: Nũũ ũsu watũtangĩĩe? Nowe Yesũ, Mwana wa Ngai Eekie ata? Atũkw'ĩĩe Aĩva yu? Ĩũlũ kwa Ngai ĩtunĩ aitũvoyeaa   2. Vati ũngĩ wekie take, Kwia thayũ wake nthĩ Ĩndĩ ũ wakw'ĩĩe mũtĩnĩ Nĩ ũla Mwendwa wa Ngai.   3. O na yu andũ onthe kũũ nthĩ; Meina nguma yake, Ya Mũthembi ũsu mũnene; Na nowe Yesũ Klĩsto.   4. Nũkwĩnengane thayũ waku, Kwa Mũtangĩĩi ũsu, Kenda ũmanye wendo wake, Na akĩkũtangĩĩa? (Amen)

KWĨ MŨTHENYA WA ŨTANU (Some happy day) 1. Kwĩ mũthenya wa ũtanu,  Nĩngatana vate mĩnoo, " Ve ũtanu ngoonĩ yakwa,  Ngĩmwinĩa Mũndangĩĩi. Chorus: Kũkethwa mũthenya ũmwe.  Ngoo yakwa ĩkatana vyũ,  Na ngaina na ũtanu,  Ngĩmwinĩa Mũndangĩĩi. 2. Mũthenya ũmwe kyalo kĩĩ,  Kĩkathela na ngĩnũka,  Na yĩla kwĩ thĩna mwingĩ,  Ngamwĩkaĩla Ngai wakwa. 3. Mĩthenya yonthe ngyũmĩĩsya Mũvaka kyathĩ kyavika,  Ũka Yesũ na mĩtũkĩ,  Kũkye mũthenya mũtheu. 4. Na kyathĩ kyakwa kyavika,  Ngeethĩwa nĩyũmbanĩtye vyũ,  Naku Yesũ ũkambosa,  Ũndongoesye nĩ waku. (Amen)

INYW'Ĩ ANDŨ MA KŨKŨ NTHĨ (All people that on earth do dwell) 1. Inyw'ĩ andũ ma kũkũ nthĩ, Mwinĩei Mwĩaĩi na ũtanu, Mũtaĩei na ngoo syenyu, Tũkakomanĩa mbee wake.   2. Inyw'ĩ nĩ mũmwĩsĩ Ngai, O ũla watũmbie nĩwe. Ũtũĩthasya kũkũ nthi, Na ithyĩ twĩ ndĩthya yake.   3. Likai mũomonĩ wake, Na nza kw'onthe mũimwinĩa, Mũsũng'ũkyei syĩtwa yake, Na twĩ ngelekany'o kũũ nthĩ.   4. We Ngai nĩ mũnene mbee, Tei wake ndũalyũkaa, W'o wake nĩ wĩkalaa, Ũmũnthĩ na tene w'onthe.   5. Taĩai Ngai Asa waitũ. Taĩai Mwana Mũtũtangĩĩi, Taĩai ũla Veva Mũtheu. Tũmũtaĩei ĩĩ ithyonthe.   6. Ũathimo wa Mwĩaĩi Yesũ. Wendo wa Ngai Asa waitũ, Mũamba wa veva Mũtheu. Syĩkalae naitũ ithyonthe. (Amen)

ŨIĨNĨ WA ŨTHŨĨLONĨ (Up on the western plain) 1. Ũiĩnĩ wa ũthũĩlonĩ kũkĩte ũla waw'o, Ũla waw'o ũwaw'o ĩĩ waw'o Klĩsto, Mawasya maseo moke iĩma ivote wathi, Wa ũtanu ũtanu ũtanu kwa Mwĩaĩĩ.   Chorus: Tũthi ũkĩlyonĩ ĩĩ ũkĩlyonĩ. Mũsumbĩ nũkwasya ũu, Twakwata mĩao mĩtũkĩ tũkwate nthĩ Ya ũtanu ũtanu ũtanu kwa Mwĩaĩi.   2. Ĩthukĩsyeĩ wasya ũithyũlũlũka nthĩ, Wasya waw'o ĩĩ waw'o ĩĩ waw'o Klĩsto Nĩwathaayũũkie akyũma kwa akw'ũ, Tavany'ai ũvoo ũũ waw'o wa Klĩsto.   3. Ũka ũtũtetheesye kũkĩlya Satani, Nĩ ũtanu ũtanu waw'o kwa Klĩsto, Nzĩanĩ ya Satani tũmai ũvoo mwasye, Kwĩ ũtanu ũ waw'o ĩĩ waw'o kwa Klisto.   4. Vinya witũ twaia maũũnĩ ma Yesũ ũmũnthĩ Nĩ ũtanu ũtanu ũ waw'o kwake, Ũvoo wake nũũthi kũthyũlũlũka nthĩ, Nĩ ũvoo ũ waw'o wa ũtanu kwonthe. (Amen)

NĨMŨKUMYE MWĨAĨI WAKWA (Praise my soul the king of heaven) 1. Nĩmũkumye Mwĩaĩi wakwa, Nũnengete kũtana; Nũmboetye nĩ mũima, Na nũndangĩĩe nyĩe vyũ.   Chorus: Nataĩwe, nataĩwe Nũnengete ũathimo.   2. Nataĩwe nĩwũkitĩaa, Andũ make maĩmenwa; Ndaĩa yake nĩendee, Kũmwenda na kũvoya.   Chorus: Nataĩwe, nataĩwe, Nataĩwe wa kwendeesya.   3. O ta Asa nũsũvĩaa, Na nũtwĩsĩ ithyonthe; Nũtũkwataa tũkyathũka, Nũlũngasya amaitha.   Chorus: Nataĩwe, nataĩwe, Nataĩwe na kũasa.   4. Nĩmeũtaĩa Alaĩka, Memũkatha Mwĩaĩi; O naitũ tũkũthayũka, Tũkavwanana namo.   Chorus: Nataĩwe, nataĩwe, E na ũathimo mwingĩ. (Amen)

NATANGĨĨWE NĨ MUMO WA NGAI (Glory all the way) 1. Natangĩĩwe nĩ mumo wa Ngai, Na nĩna ũtanu mwingĩ; Ngĩthi na Yesũ kĩla mũthenya, Na nĩna ũtanu mwingĩ.   Chorus: Ũtanu, ũtanu, Nĩna ũtanu mwingĩ. x2   2. Ũsũvĩo wakwa wĩ kwa Mwĩaĩi, Na nĩna ũtanu mwingĩ; Nĩndongoeaw'a nĩ metho make, Na nĩna ũtanu mwingĩ.   3. Nĩwanumisye wanangĩkonĩ, Na nĩna ũtanu mwingĩ, Noosa ngelany'o ane ũathimo, Na nĩna ũtanu mwingĩ.   4. Ũka mwene naĩ wose Mũtangĩĩi. Nũkwĩtwa na ũtanu mwingĩ; Wamwĩtĩkĩla Mwĩaĩi Yesũ, Ũkaathimwa na ũtanũ mwingĩ. (Amen)

MŨKATHEI YESŨ (Praise Him, praise Him. Jesus our blessed) 1. Mũkathei Yesũ nĩwe Mũtangĩĩi Inai wendo wake mũnene; Thaithai Alaĩka ala mwĩ vo, Syĩtwa yake yĩnengwe ndaĩa vyũ; O tondũ mũĩthi ũĩthasya, Naitũ now'o ũtũĩthasya: Mũtaĩei na nũndũ mwĩ syana syake Mũtaĩei nũndũ nĩwe mũĩthi.   2. Mũkathei Yesũ nĩwe Mũtangĩĩi. Athĩniw'e ithyĩ tũtangĩĩwe; Nĩwe ĩvia ĩlũmu ya kũtwovosya, Thaithai ũsu wambiwe; Yesũ we nĩwathĩniw'e nĩ andũ, Kwa wendo wa Asa wa ĩtunĩ: Athĩnwe akyambwa mũkelany'onĩ, Mũtaĩei nĩwe ũtwaĩle.   3. Mũkatheĩ Yesũ nĩwe Mũtũtangĩĩi, Thingithai mĩomo ya ĩtunĩ Yesũ tene w'onthe nĩwe Mũtũtangĩĩi Mwĩkĩei ngovia nĩ yake: Nũkasyoka kũsumbĩka nthĩ ĩno. Yesũ mũtũvoyei kwa Ngai; Mũtaĩei nĩ Mũsumbĩ wa mũuo; Nĩwe ow'o Mwana wa Ngai waitũ. (Amen)

KWĨ NTHĨ YA THAYŨ NA ŨTHEU (Song of the redeemer) 1. Kwĩ nthĩ ya thayu notheu , Yesũ mwene ũ twiĩe: Nĩ tũkwĩna na nĩtwĩsĩ, Tũkoona ũthũmũo.   Chorus: Wendo wake wa wĩnyivyo, 4/4 Ũtheu tũtawĩsĩ; Ũtanu wa ũtangĩĩo, Nĩtũkwina twĩ ovosye.   2. Tũkina na ũtanu, Twĩna Yesũ kũu ĩtunĩ, Methoi akatũvyaĩa vyũ, Na nthoni ithele vyũ.   3. Twinei nthĩ ya thayũ notheu, Yesũ mwene ũtwiĩe Twĩna thayũ ũtathela, O na yĩla kwĩ matatwa, Nĩ twineĩ na ũtanu.   4. Ala mamwendete Yesũ, Matikwenda ũtandĩthyo; Nĩmo Yesũ watangĩĩe, Akĩkw'a ngelany'onĩ. (Amen)